Miketrika · Mikotrika · Mikatroka

Avadiho ho orinasa miroborobo ny hevitrao.

Torolalana, fitaovana ary kajy maimaimpoana ho an'ny mpandraharaha malagasy — manomboka amin'ny hevitra voalohany ka hatramin'ny fananganana orinasa ara-dalàna.

Andramo ny fanadihadiana Jereo ireo dingana 6

10 minitra eo ho eo · fanontaniana 33 · Fantaro raha vonona hiatrika ny fandraharahana ianao

Miarahaba tompoko! VinaFifandraisanaFikirizana Mpandraharaha telo mifaly sy miarahaba

Iza ianao? Manomboka eto ny lalanao.

Samy manana ny filàny ny tsirairay. Safidio ny toerana misy anao, dia hitondra anao mivantana any amin'izay mahasoa anao ny pejy.

Mpitondra tetikasa Manana hevitra ianao ary te hanangana orinasa? Arahina dingana isaky ny dingana. Atombohy ny dia → Mpianatra Fantaro ny toe-tsaina mpandraharaha sy ny lalana mety hivoahana amin'ny fianaranao. Fantaro ny toetsaina → Startup Hamafiso ny môdelim-pandraharahanao, andramo ny tsena, karohy mpamatsy vola. Ireo fitaovana canvas → Mpanazatra sy mpanara-dia Fitaovana vonona hampiasaina amin'ny fiofanana sy ny fanaraha-maso ireo tompon-tetikasa. Ny habakao → Rafitra manohana orinasa Incubateur, CCI, ONG, programa: andao hiara-hiasa hampiroborobo ny fandraharahana. Fiaraha-miasa →

Atoro anao ny lalana akaiky sy mahitsy

Ny lakilen'ny fahombiazana !

Alohan'ny hanomboka dia tsara ny mifanaiky amin'ny teny: inona marina ny orinasa, iza no azo antsoina hoe mpandraharaha, ary inona no atao hoe vina?

FamaritanaNy orinasa

Ny orinasa dia lamina sy rafitra natao anodinana ny akora ka amokarana vokatra amin'ny alalan'ny fampiasana vola, olona, fitaovana, akora ary haitao. Tsy ny birao akory no atao hoe orinasa araka ny hevi-diso mateti-pitranga!

FamaritanaNy mpandraharaha

Ny mpandraharaha dia olona mpanangana orinasa. Izy no tompony fa tsy hoe mpitantana fotsiny akory. Mety mitantana ny orinasany izy na koa manakarama olonkafa hanao izany. Nanana nofinofy izy teny amboalohany ka navadiny ho vina izany ary notanterahiny.

FamaritanaNy vina

Ny VINA dia nofinofy efa voadinika tsara ka avadika ho tanjona lavitra ezaka ho azo tratrarina. Amin'ny fandraharahana ny vina dia ny orinasanao, alaina sary an-tsaina ny fandrosoany sy ny firoboroboany, rahatrizay ka tafita amin'ny tanjona.

Toetra telo no tena mampiavaka ny mpandraharaha: ny fananana vina, ny fananana fifandraisana ary ny fikirizana.

Vina

Ny fanatrarana tanjona no antony iasanao mafy. Lasa mazozo ianao hiasa mba hanatratra izany.

Fifandraisana

Mila mifandray sy miara-miasa amin'ny rehetra.

« Tsy misy manana ny ampy fa sambatra izay mifanampy. »

Fikirizana

Ny mpandraharaha dia tsy kivikivy foana: raha mianjera im-polo dia mitsangana im-polo.

« Indray mandeha ve no manta vary dia handevin-tsotrobe? »

Tsy voatery hanana fahaizana, na fitaovana na vola na zavatra hafa ny mpandraharaha. Aminy dia tsy ny « manana » no zava-dehibe fa ny « fahaizana manetsika sy miara-miasa amin'ny olona manodidina azy ».

Hamaky bebe kokoa momba ny toetsaina →

Horonantsary fohy

Jereo, henoy, dia mianara.

Rakitsary enina natolotry ny Cabinet Esprit d'Entreprise (EdE) hanazavana ireo hevitra fototra ireo. Tsindrio ny sary hanombohana ny fijerena azy.

Ny lalana arahina

Dingana 6 hanorenana ny orinasanao

Hijery ny antsipiriany rehetra →

Tsy mila atao araka ny filaharana sahala amin'ny fantsona tsy miova foana, nefa mitondra anao tsikelikely hatrany amin'ny orinasa miasa ara-dalàna ireto dingana enina ireto.

Dingana 1 amin'ny 6

Mandinika ny zava-misy

Manara-baovao, mijery ny tontolo ara-toekarena sy ny filàn'ny mpanjifa.

Toetsaina mpandraharahaFantaro ny toe-tsaina ilaina →

Dingana 2 amin'ny 6

Mamolavola hevitra

Misafidy irika, manangana ny vina, mandrafitra ny môdelim-pandraharahana.

Business Model CanvasFenoy ny môdelinao →

Dingana 3 amin'ny 6

Manao fanadihadiana

Manadihady ny tsena, manao vokatra andrana, mandrefy ny fahafahana.

Lean canvas sy tolotraAndramo amin'ny mpanjifa ny tolotrao →

Dingana 4 amin'ny 6

Manao drafitra

Manoratra ny drafitra fandraharahana handresena lahatra ny mpiara-miasa.

Kajy ho an'ny mpandraharahaVola ilaina, vola kirakira, tetika 3 taona →

Dingana 5 amin'ny 6

Mitady mpiara-miombon'antoka

Mpamatsy vola, namana hiara-handraharaha, teknisianina.

Fiaraha-miasaHiara-hiasa amin'ny rafitra manohana →

Dingana 6 amin'ny 6

Manangana ny orinasa

Misafidy sata, manao ny taratasy ara-dalàna, manomboka ny asa.

Taratasy ara-dalànaNIF, STAT, RCS →

Toetsaina mpandraharaha

Tsy ny « manana » no zava-dehibe, fa ny fahaizana mifandray sy mikiry.

Toetra telo no tena mampiavaka ny mpandraharaha. Tsy resaka vola na diplaoma loatra: resaka fomba fijery sy fahavononana.

Ireo toetra 10 mampiavaka →

VinaNofinofy efa voadinika tsara ka avadika ho tanjona azo tratrarina.

FifandraisanaTsy misy manana ny ampy fa sambatra izay mifanampy.

FikirizanaRaha mianjera im-polo dia mitsangana im-polo.

OhabolanaSoa lavo hahay mamindra.Ny tsy fahombiazana dia lesona hianarana.

Fitaovana sy kajy

Fitaovana azo ampiasaina avy hatrany, na amin'ny finday aza.

Business Model Canvas Tabilaon'ny môdelim-pandraharahana amin'ny singa 9, azo fenoina sy tahirizina. Sokafy ny fitaovana → Tolotra sy Lean canvas Ampifanaraho amin'ny filan'ny mpanjifa ny tolotrao (Value proposition, Lean canvas). Sokafy ny Lean canvas → Kajy 13 ilaina Vola ilaina anombohana, famerenam-bola, vidin'ny vokatra, teboka fahazoan-tombony, vola kirakira, karama, vola vahiny sy volamena… Hampiasa ny kajy → Taratasy ara-dalàna NIF, STAT, RCS: ireo antontan-taratasy ilaina mba ho ara-dalàna ny orinasa. Jereo ny lisitra →

Ireo dingana ara-panjakana

Ahoana no ahatonga ny orinasa ho ara-dalàna?

Atao hoe ara-dalàna ny orinasa rehefa manana ireto taratasy telo samihafa ireto:

CIFCarte d'Identification Fiscale, ahitana ny Numéro d'Identification Fiscale (NIF).
Carte statistiqueNy karatra statistika (STAT).
RCSExtrait du Registre du Commerce et des Sociétés.

Misy karazany roa lehibe ny orinasa, ary arakaraka izay ny toerana ikarakarana ny taratasy:

Entreprise individuelle

Natao ho an'ny mpiasa tena (profession libérale, artisan…): mampifangaro ny fananana sy ny trosan'ny mpandraharaha amin'ny an'ny orinasany. Ny taratasy ara-panjakana dia misoratra amin'ny tenan'ny mpandraharaha. Afaka manisy anarana ara-barotra (nom commercial) fanampiny izy hiantsoana ny orinasany.

Ikarakarana eny anivon'ny Centre Fiscal, ny INSTAT ary ny Tribunal.

Société (SARL, SARLU, SA, SAU)

Manasaraka ny mpandraharaha amin'ny orinasany. Ny taratasy ara-panjakana dia misoratra amin'ny anaran'ny orinasa. Ny statut no ahitana izay tompon'ny orinasa. Samihafa ny fananana sy ny trosan'ny orinasa ary ny an'ny mpandraharaha.

Eny anivon'ny EDBM no miandraikitra ny fananganana azy.

Taratasy ilaina amin'ny société →

Vonona ny handraharaha ve ianao?

Fanontaniana 33 hahafantaranao ny tanjakao sy izay mbola tokony hampivelarinao.

Hanao ny fanadihadiana