Ny lalana arahina

Inona ireo dingana arahina raha hanangana orinasa?

Dingana enina, vondrona telo. Ny tsirairay dia misy ny asa tokony atao sy ny fitaovana hanampy anao. Azonao atao ny manaraka azy mifanesy, na mivantana amin'ny dingana misy anao. Ny dingana aseho eto dia manaraka ity lôjika ity: MIKETRIKA → MIKOTRIKA → MIKATROKA.

MIKETRIKADingana 1 sy 2 · mandinika sy mamolavola MIKOTRIKADingana 3 sy 4 · manadihady sy mandrafitra MIKATROKADingana 5 sy 6 · mitady mpiara-dia sy manangana

Dingana 1 sy 2 · mandinika sy mamolavola

MIKETRIKA

Mijery foana ny irika azahoana tsena sy tombony (opportunité): alohan'ny hevitra dia ny fijery.

Mandinika ny zava-misy

Alohan'ny hevitra dia ny fijery: inona no miova manodidina anao, inona no ilain'ny olona, ary inona avy ireo harena azo trandrahana eo amin'ny faritra misy anao?

Manara-baovao ary mijery ny tontolo ara-toekarena, sôsialy sns.
Manaramaso ny fivoaran'ny filàn'ny mpanjifa
Mitady antontan-kevitra isan-karazany mikasika ny loharanon-karena azo trandrahana

Fitaovana mifandrayToetsaina mpandraharaha

Dingana manaraka ↓

Mamolavola hevitra

Ny vokatra dia vaha-olana. OLANA = IRIKA = VOLA: fidio ny irika mifanaraka amin'ny fahaizanao sy ny fitiavanao, ary avadiho ho vina mazava.

Misafidy amin'ireo irika azahoam-bola
Manangana ny vina
Manamboatra môdelim-pandraharahana (business model)

Fitaovana mifandrayBusiness Model Canvas Hamaky ny torolalana môdely

Dingana manaraka ↓

Dingana 3 sy 4 · manadihady sy mandrafitra

MIKOTRIKA

Manomana tetikasa sy drafitra ho enti-miasa: hamarino alohan'ny hampiasana vola.

Manao fanadihadiana

Hamarino alohan'ny hampiasana vola: azo atao ve ara-teknika, misy mpividy ve, ary hividy amin'ny vidiny inona?

Manadihady ara-teknika ny fazahoana manamboatra ilay tolotra na vokatra
Manao vokatra andrana ary manontany ny mpanjifa
Manadihady ny tsena

Fitaovana mifandrayValue Proposition Canvas Lean Canvas

Dingana manaraka ↓

Manao drafitra

Ny drafitra fandraharahana (Business Plan) no hampiseho ny tetikasanao sy handresy lahatra ireo mpamatsy vola sy mpiara-miasa.

Manoratra ny drafitra fandraharahana (Business Plan)
Manisa ny vola ilaina anombohana
Mikajy ny vola kirakira sy ny vinavina 3 taona

Fitaovana mifandrayVola ilaina anombohana Vola kirakira Vinavina 3 taona

Dingana manaraka ↓

Dingana 5 sy 6 · mitady mpiara-dia sy manangana

MIKATROKA

Mijoboka manatanteraka fa tsy manao ariary zato am-pandriana na revin-gadra fotsiny.

Mitady mpiara-miombon'antoka

Raha tsy manana vola ianao dia mifandraisa amin'ny manana; raha tsy manana fahaizana dia mifandraisa amin'ny manam-pahaizana.

Ny mpamatsy vola
Ny namana hiaraka handraharaha
Ny teknisianina hiara-miasa
Ny rafitra manohana orinasa

Fitaovana mifandrayFamerenam-bola indramina Fampiakarana vola Fiaraha-miasa

Dingana manaraka ↓

Manangana ny orinasa

Ara-dalàna ny orinasa rehefa manana taratasy telo: CIF/NIF, carte statistique ary RCS. Misafidiana sata mifanaraka amin'ny habe sy ny tanjon'ny tetikasanao.

Misafidy ny satan'ny orinasa (entreprise individuelle, SARL, SARLU, SA…)
Manangana ny orinasa ara-dalàna
Manomboka ny asa ary manara-maso ny vola miditra sy mivoaka

Fitaovana mifandrayIreo taratasy ara-dalàna Vola kirakira

Fantaro ny toeranao amin'ny fanadihadiana →

Fananganana orinasa ho ara-dalàna?

Raha io no tianao ho fantatra dia tsy ato amin'ity pejy ity fa tsindrio ny bokotra eto ankavanana: hita ao ny taratasy ilaina amin'ny fananganana orinasa.

Taratasy ilaina →

Tsy fantatrao hoe aiza ianao amin'ireo dingana ireo?

Ny fanadihadiana no hanoro anao ny dingana tokony hanombohanao.

Hanao ny fanadihadiana